free web stats
پہلہ صفحہ / بول نیوز / سی پیک منصوبے کے تحت معاشی سرگرمیوں کو فروغ دے رہے ہیں، عاصم سلیم باجوہ

سی پیک منصوبے کے تحت معاشی سرگرمیوں کو فروغ دے رہے ہیں، عاصم سلیم باجوہ


چئیرمین سی پیک اتھارٹی جنرل عاصم سلیم باجوہ نے کہا ہے کہ سی پیک منصوبے کے تحت معاشی سرگرمیوں کو فروغ دے رہے ہیں۔
تفصیلات کے مطابق وزیراعظم عمران خان کے معاون خصوصی اطلاعات اور چیئرمین سی پیک اتھارٹی جنرل (ر) عاصم سلیم باجوہ نے سماجی رابطے کی ویب سائٹ ٹویٹر پر اپنے ایک پیغام میں کہا کہ گوادرپورٹ پراقتصادی سرگرمیاں زوروشور سے جاری ہیں۔

#Gwadar Port Operstions:Ship carrying 17000 tons DAP arrived.Being transported to Afghanistan on 550 trucks60% via Chamman.1st time bagging of bulk cargo been done locally instead of foreign ports.Local employment generated& transport business boosted #CPEC #CPECMakingProgress pic.twitter.com/DTae2suZdB
— Asim Saleem Bajwa (@AsimSBajwa) July 31, 2020

اپنے پیغام میں عاصم سلیم باجوہ نے یہ بھی کہا کہ مال بردار بحری جہاز17ہزار ٹن ڈی اے پی کھاد لے کر گوادرپورٹ پہنچ گیا ہے اور یہ ڈی اےپی براستہ چمن550ٹرکوں سےافغانستان بھیجی جائے گی۔
چیئرمین سی پیک اتھارٹی جنرل (ر) عاصم سلیم باجوہ نے مزید کہا کہ پہلی بارکارگوکی بیگنگ مقامی سطح پر کی گئی ہے جبکہ سی پیک منصوبے کے تحت روزگار اور معاشی سرگرمیوں کو فروغ دے رہے ہیں۔
واضح رہے اس سے قبل وزیرِاعظم عمران خان کی زیر صدارت قومی ترقیاتی کونسل کا دوسرا اجلاس منعقد ہوا جس میں قومی ترقیاتی ایجنڈہ خصوصاً بلوچستان میں ترقیاتی منصوبوں  کا جائزہ لیا گیا۔
سی پیک کے منصوبے کامیابی سے آگے بڑھ رہے ہیں، لیفٹیننٹ جنرل(ر) عاصم سلیم باجوہ
اجلاس کے دوران وزیراعظم عمران خان کا کہنا تھا کہ سی پیک  منصوبوں سے استفادے کیلئے بلوچستان میں روڈ نیٹ ورک اور انفراسٹرکچر کی ترقی ضروری ہے۔
 وزیراعظم کا یہ بھی کہنا تھا کہ بلوچستان میں امن و امان کی صورتحال کو یقینی بنانا اور سماجی و اقتصادی ترقی حکومت کی اولین ترجیح ہے کیونکہ ماضی میں بلوچستان  کو مالی وسائل تو فراہم کیے گئے لیکن انکےمناسب  استعمال کو یکسر نظر انداز کیا گیا ہے۔


خبرکا ذریعہ : بول نیوز اردو

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے